Down with Gloria! Down with Capitalism!
Sagot sa Krisis ng Pamumuno, RESIGNASYON! Pahayag ng Workers’ Solidarity Network (WSN)
Sagot sa Krisis ng Sistema, REBOLUSYON!
Ang mga Mabilis at Nagbabagang Pangyayari
Sa Lipunang Pilipino
« Bumagsak ang
approval-popularity rating ni Presidente Gloria Macapagal Arroyo ng -33%– pinakamababa
sa kasaysyan ng lahat ng umupong presidente (ang rating ay naisukat hindi pa
nagaganap ang “Tape Scandal”). Lubhang nagpababa sa kanyang manipis na
popularidad ang hindi masagot na mga isyu ng korapsyon, krisis ng pamumuno,
pasadsad na kabuhayan ng mga mamamayan, barat na pasahod, patuloy na paglipad
ng presyo ng mga pangunahing bilihin, petrolyo, atrasadong pagbubuwis atbp.
« Ang pagputok ng
isyung jueteng na sadyang kintampukan sa pesdestal ng iskandalo ang
pamilyang
Arroyo at mga kasapangkat nito. Ang pagsasambulat ng mga pahayag ni Sandra Cam
(baglady) ay kagyat na dinawit sa kagimbal-gimbal na korapasyon sina
Congressman Mikey at Iggy Arroyo. Dinawit din ang mga matataas na opisyales ng
PNP kagaya ni dating PNP Regional Police chief Mosqueda.
« Ang paglantad
ng mga kontrobersayl na tapes-CDs at ng misyteryosong dating Deputy NBI
Driector na si Sammy Ong kung saan direktang tinuturo si GMA bilang ang
dakilang tagapag-utos ng malawakang dayaan sa pamamagitan ng paghihilera ng
boto sa
Mindanao
para sa kanyang sariling makiitd na ganansya.
Dahil
dito, ang pinto ng oportunidad at yugto ng pagbagsak ng rehimeng GMA ay lubhang
nabuksan at nagiging realistikong opsyon ng mga manggagawa sa kasalukuyang
kalagayan ng lipunang Pilipino.
Ngunit
bago natin sakyan at i-angkla ang ating mga hanay sa senaryong ito ay maigi na
atin munang suriin at bigyan ng ganap na makauring disposisyon ang mga
pangyayari upang hindi tayo malito kasama ng ating mga kilusan, hindi mahatak
at malansi ng mga reaksyonaryong pwersa mula sa militar, paksyon ng burgesya,
mersenaryong seksyon ng kaliwa at maging mismo ng rehimeng GMA.
Ang Burges-Kapitalistang Oposisyon
Sa
kasalukuyan ang burges na oposisyon o ang paksyon ng naghaharing uri (seksyon
ng naghaharing uri na hindi nakikinabang sa rehimen ni GMA) ay watak-watak at
hindi konsolidado. Ngunit ang nasabing pangkat ay nagkakaisa sa kanilang kagyat
na panawagan na dapat umalis si GMA sa poder ng kapangyarihan. Kaya’t bagamat
lubhang marami ang mga nasabing dibisyon sa loob ng pangkating ito ay
nagkakaisa sila sa pagpapatalsik kay GMA upang sila ang humalili. Kaya hindi
nakakapagtaka na iba’t ibang taktika ang kanilang ginagamit at nilalatag upang
halinhan si GMA. Nandito ang panawagang impeachment na nangangahulugan ng limitadong
pagpapatalsik kay GMA kapalit si Noli De Castro (papet at tuta ng kaptalistang
Lopez) gamit ang “succesion excuse” ng proseso ng kasalukuyang umiiral na
konstitusyon.
Nandito
rin ang opsyong nilalatag at kinakampanya ni Senador Aquilino Pimentel. Ayon sa
kanya, ang mainam na dapat gawin ay ang madaliang pagbibitiw ni GMA kasama ni
Noli De Castro kasabay na agad na pagpapatawag ng “snap elections” upang kumuha
ng bagog basbas sa pamamagitn ng palasak na eleksyon sa mga mamamayan.
Ano
ang mga kahinaan nito?
Ukol
sa impeachment process.
Una,
ang impeachment na panawagan ng burgis na oposisyon ay sagarang reaksyonaryo at
anti-mamamayan. nililimita lamang nito ang proyektong pagbabago sa antas ng
pagbabago ng mga lider ngunit sadyang tahimik o walang sangkap at mekanismo sa
pagbabago ng lipunan (kapitalismo) na siyang tunay na salarin sa sistematikong
pang-aapi at pagsasamantala sa mga manggagawa at mamamayan.
Pangalawa,
Hindi mga malawak na hanay ng manggagawa ang makikinabang sa simpleng paglilipat
na kapangyarihan na ito mula kay GMA patungo kay Noli De Castro. Mananatiling
anti-manggagawa at anti-mamamayan ang hindi bumagsak na rehimen at sa dulo
maituturing lamang itong pagpapalit ng kadena ng pang-aapi imbes na lubos na
pagbasag sa sinsabing kadena ng panggigipit.
Ukol
sa Pimentel Option.
Ang
panawagang “snap elections” ay walang legal at konstitusyunal na batayan. Ang
presidente lamang ng republika o isang diktador ang pwedeng manawagan ng “snap
elections”. Ito ang kulang na rekados sa panawagan ni Pimentel dahil malayo sa
realidad na magpatawag si GMA na isang agarang eleksyon (parang bato na
ipinukol sa sariling ulo) at malabo rin na ito ay magbitiw sa tungkulin.
Isa
pa, kagaya ng panawagang impeachment, ito ay lubhang kapos sa mga lubos na
kinakailangang panlipunang pagbabago (systemic change) ng uring manggagawa
dahil sa limitadong anyo ng pagbabago sa hanay lamang ng mga lider at sa dulo,
ang ganitong mga simplestikong panawagan ay hindi papakinabagan ng aping
mamamayan.
Ang Umuusbong Panganib ng Pwersang
Neo-Pasista
Sinabi
natin kanina na sa kasalukuyan ay hati-hati pa ang paksyon ng oposisyong burges
laban sa burges ding rehimen ni GMA. Ngunit ang nasabing paksyon ng naghaharing
uri ay may isang mas mapanganib na seksyon na handang gumamit ng reaksyonaryo
at mapanghating dahas upang pabagsakin ang gobyernong GMA. Ito ang grupo nila
dating Heneral Fortunao Abat katulong sina dating Budget Secretary Buddy
Eniquez, Fidel Ramos, mga retirado (ngunit maimpluwensya) at aktibong heneral
sa AFP.
Kagaya
ng iba, nais din nila na pabagsakin ang rehimeng GMA ngunit gamit ang
pamamaraan ng paglulunsad ng isang panibagong kudeta. Ang ihahalili sa gobyerno
ni GMA ay isang neo-pasistang military junta o military-civilian junta (depende
sa ohebtibong kalagayan) na pamumunuan diumano nina Abat, FVR, Buddy Enriquez
atbp.
Bakit
neo-pasista? Ano ang Pasismo?
Ang
Pasismo o “fascism” ay isang yugto sa buhay ng kapitalistang sistema kung saan
ginagamit ng naturang sistema ang ganitong pamamaaraan ng paghahari kung hindi
na kayang mamuno at mamahala ng naghaharing uri sa dating kagawain o kalagayan.
Kadalasang kinatatampukan ito ng isang gobyernong militarisado, pagbubura o
pagbabalewala sa mga pundamental na karapatang pantao at pamumunong despotiko ng
isang diktador na malapot ang ugnayan sa militar. Umuusbong din ito bilang
isang reaksyon sa isang panahon na may oportunidad ng paglakas ang kilusang
progresibo o ang ispontayong pag-aaklas ng manggagawa laban sa lumang sistem ng
pamumuno.
Ganito
ang karanasan natin noong panahon ng diktadurang Marcos na kinakitaan ng libong
arbitraryong pagpatay at paglabag sa karapatang pantao ng mga lider-unyonista,
aktibista at progresibo. Karanasan din ito ng maraming aping bayan sa buong
mundo kagaya sa bansang Alemanya (Nazism-Hitler) at Italya (Mossulini-fascism).
Pinakatumpak na ehemplo nito sa kasalukuyan ay ang bansang
Burma
na halos dalawang dekada nang pinamumunuan ng isang
anti-mamamayang military junta. Hindi na ito bago. Ang tanging nagbabago lamang
rito ay ang mga grupo at personalidad na nagbebenta ng ganitong landasin.
Kaya’t ating binabansagan ang grupo nila Abat-FVR hindi lamang mga pasista
kundi “neo”—ibig sabihin new o makabago.
Kung
sa sa unang dalawang opsyon ng paksyon ng naghaharing uri ay walang mapapala
ang uring manggagawa at ang sambayanan mas lalong walang maaasahang ganansya
dito ang api. Dudurugin lamang ng nasabing military junta (na labis din ang
pagsamba sa sistemang kapitalismo) ang anumang natitirang demokratikong espasyo
ng mamamayan kasama dito ang ating mga karapatan at mga naitayong mga kilusan
para sa pagbabago.
Ang Pagtatayo ng Makauri at Tunay na
Oposisyon ng Manggagawang Pilipino
Kung
ang mga nasabing opsyon na nilalako ng paksyon ng naghaharing uri ay hindi
katangap tanggap batay sa interes natin bilang mga manggagawa ay ano ang dapat
gawin?
Una,
dapat tumambad sa gitna ng eksena ang liderato at makauring disposisyon ng
manggagawang Pilipino at gampanan ang papel ng isang TUNAY at MAKAURING
oposisyon laban kay GMA, sa mga inaagnas na paksyon ng burges na oposisyon at
anti-mamamayang seksyon ng militar. Hindi natin pwede isaalang alang ang
kinabukasan natin sa mga kamay ng burges na oposisyon at reaksyonaryong seksyon
ng militar na lubha rin naman ang katapatan sa kapitalistang sistema. Ngunit
hindi rin ibig sabihin ay dapat nating pagpagin ang panawagang pagpapaalis kay
GMA lalo na sa isang panahon na kung saan mayorya ng mamamayan lalong lalo na
ang uring manggagawa ay walang tiwala at kumpiyansa sa kanyang pamumuno at kakayahang
iangat ang kabuhayan at kalagayan ng aping masa.
Ang
hinihintay na lamang na sangkap upang muling bumulwak ito sa isang malawakang
aklasang bayan katulad ng EDSA 1 at 2 ay ang ispontanyong pagtindig ng
mayoryang mamamayan na sadyang maghuhukay ng libingan ng gobyernong GMA kagay
ng nangyari sa pamahalaang Erap. Kaya’t sa ganitong klaseng kondisyon ay
tungkulin at responsibilidad ng kilusang manggagawa na magbigay ng tamang
liderato at gabay sa malawak na kilusang masa upang hindi tayo mauwi sa bitag
ng paulit ulit na simpleng pagpapalit lamang ng lider at paggamit sa atin ng
mga bangkaroteng politiko bilang mga pambala sa kanyon.
Dahil
dito, kailangan natin iguhit ang isang taktital o ekasaktong panawagan sa
rehimeng GMA sa isang eksaktong kalagayan upang magbigay kaliwanagan sa
magulong pangyayari sa ating lipunan.
Ano Ang Mga Dapat Gawin?
Una,
dapat nating panghawakan at iguhit ang panawagang “Gloria Resign” bilang
taktikal na
panawagan ng uring manggagawa sa kasalukuyang kondisyon ng pakikibaka
hindi batay sa isyu at makitid na usapin ng jueteng, tape scandal etc kundi
batay sa kasalanan ng gobyernong ito sa hanay ng manggagawang Pilipino. Ating
ibanderang kasalanan ng gobyenong ito ang kanyang mga anti-manggagawang
patakaran at postura sa pagbubuwis, sahod, katiwalian at pamumuno.
Ngunit
ang ating panawagan ay hindi lamang nakasentro kay GMA. Kasabay ng panawagang
“Gloria Resign” ay ang panawagang pagbibitiw rin ni Noli De Castro, ng buong
kabinete at maging ng COMELEC. Ang layunin nito ay ang mga sumusunod:
1.Upang hindi maikahon
ang ating panawagan sa simpleng “Resign GMA’ lamang habang tahimik
sa mga
pareho niyang kasapangkat sa ehekutibong sangay (executive branch) ng
kanyang
gobyerno.
2.Dahil dito, mainam
nating nairerehistro ang ating pagtutol sa anumang porma ng pamumuno at
transisyong gobyerno na military junta ang karakter at pundasyon.
3.Upang malamanan
natin ang ating panawagan ng mga konkretong pagsasapol laban sa
mismong sistema ng kapitalismo. Dito pumapasok ang “anti-systemic character” ng
ating panawagan (imbes na simpleng pagpapaalis lamang kay GMA) sa pamamagitan
ng pagtatatag ng isang gobyernong transisyunal ng manggagawang Pilipino na
kagyat na magpapatawag ng isang Constitutional Convetion (CONCON) upang
magkaroon ng mga radikal na pagbabago sa istruktura ng pampulitika at
pang-ekonomiyang gulugod ng lumang sistema at kagyat na magpatawag ng
isang TUNAY na eleksyon ng mamamayan upang maitayo ang bago at
demokratikong gobyerno ng manggagawang Pilipino.
Pangalawa,
kailangan paputikin ang mga independenteng pagkilos at inisyatiba ng uring
manggagawa katulong ang kanilang mga kilusan upang mairehistro ang ating
nagsasarili at independenteng interes at pakikibaka ng uring manggagawa,
manggagawang maralita at magbubukid laban sa manipulasyon at kontrol ng mga
paksyon ng naghaharing uri at mga trapo na pansamantalang kaaway ng rehimeng
Gloria.
Pangatlo,
atin dapat konkreto at epektibong maiguhit ang ating pagtutuol sa anumang
opsyon na pag-agaw ng kapagyarihan sa pamamagitan ng kudeta. Atin din dapat
irehistro ang pagtutol at hindi pagsuporta sa anumang balak na pagtatayo ng
iba’t ibang bersyon ng military junta.
Pangapat,
agaran at mahusay na magbuo ng mga alyansang teritoryal at industriyal upang
maabot ang pinakamalaking bilang ng uring manggagawa, manggagawang maralita at
magbubukid.
Panglima,
ang pinakaimportante sa lahat ay pagsasagawa ng mga pagpupulong at koletibong
talakayan hindi lamang sa antas ng mga lider ng mga unyon, pedersayon at iba
pang alyadong samahan kundi DAPAT mga gawaing pang-edukasyon na kabagi ang
nakararaming mga miyembro upang makapagbigay linaw, direksyon at tamang
pagsusuri. Importanteng importante ito upang kakitaan ang ating kampanya ng mga
mabilis at malawak na pagtugon ng ating mga kasapian sa antas mobilisasyon at
iba pang gawain.
Pinakahuli,
dapat ibukas natin hindi lamang ang ating kamalayan kundi ang ating kakayahan
sa
pangyayaring pwedeng mauwi ang nasabing pagyanig kay GMA sa isang tuluyang
REBOLUSYON para sa pagbabago sa pangunguna ng uring manggagawa. Ngunit huwag
natin ikahon ang rebolusyon sa makitid at simpleng deskripsyon ng digmaan o
karahasan (although hindi maiiwasan ang pangdarahas mula sa hanay ng
desperadong naghaharing uri) kundi sa isang popular at malawakang aklasang
bayan na mas malaki at ‘di hamak mas malawig ang partisipasyon kaysa sa mga
nagdaang aklasang Edsa.
Kung
anuman ang aabuting konklusyon sa pakikibakang anti-GMA, 1) pag-survive ni GMA,
2) pagbagsak ni GMA kahalili ang isang transisyunal na gobyerno ng manggagawa
at mamamayan 3) ganap at sukdulang reboluyon para sa pagbabago labas sa
sistemang kapitalismo—ang importanteng mairehistro sa sa ating mga isipan ay kung
anuman ang yugtong inabot ng pakikibaka ng uring manggawa ay siyang ring yugto
ng inabot ng pagkakaisa at kakayahan ng uring manggagawa.
Konklusyon
Muli
at dapat nating panghawakan ang makasaysayang papel ng uring manggagawa sa
lahat ng panig
ng mundo; Ang maging tagapamandila ng pakikibaka ng uri at
pinaka abanteng grupo na magluluwal ng tunay at ganap na pagbabago. Ngunit ang
atas na ito ay hindi isang otomatikong papel na binagsak sa uring gumagawa. Ang
katumpakan ng makasayasyan at progresibong papel na ito ay nakasalalay sa ating
kakayahan, paniniwala at dedikasyon na gampanan ang responsibilidad na ito.
Lubhang hinanap ang makauri at ispontanyong liderato ng kilusang manggagawa ng
EDSA 1 at 2 at maging ng EDSA 3 upang bigyan ito ng tamang gabay at direksyon
upang ganap na tuluyang tapusin ito bilang isang tunay na rebolusyon ng mga
api, gutom at araw-araw na pinagsasamatalahan. Ngunit sadyang wala ang uri,
walang ang abanteng manggagawang Pilipino.
Ngayon
binibigyan ulit ng isa pang pagkakataon ang uring manggagawa upang hukayin ang
kanyang sarili sa libingan ng sinisismo, demoralisasyon at pagkahati-hati.
Ating kagya’t at buong giting na panghawakan ito kasama ng lahat ng aping uri
at sektor na nagnanais ng tunay at lubos na pagbabago upang bigyan ng makauring
konklusyon ang hindi matapos-tapos na rebolusyon ng sambayanang Pilipino para
sa tunay na demokrasya, katarungan, kalayaan at pagkapantay-pantay.
Manggagawang
Pilipino, Magkaisa!
Itayo
ang Makauri, Independente at Tunay na Oposisyon ng Uring Manggagawa laban sa
Rehimeng GMA, Burges na Oposisyon at Military Junta!
GMA,
Buong Executive Branch at COMELEC RESIGN!!!
Sagot sa Krisis ng
Pamumuno, RESIGNASYON!
Sagot sa Krisis ng
Sistema, REBOLUSYON!
Sashaninel june 2005
